HAYALİ’NİN GAZELLERİ
GAZEL 1
Ol gınâ şâhı ki doydu bende olan ac aña
Subh taht-ı âcdır hurşîd zerrîn tâc aña
Bu vücûd eyvânı bir zulmet-serâdır olmasa
Ger sevâdü’l-vech-i fid-dâreyn isfidâc aña
Künc ü târik içre bir hoş sohbetim var yâr ile
Leyletü’l Kadr ile âşıktır şeb-i Mi’râc aña
Penbe-i gaflet kulagından çıkardı nâsihin
Bir dem içirse Enelhak câmını Hallâc aña
Bir gedâ olsa Hayâli bende-i sultân-ı aşk
Haşmetinde pâdişâh-ı vakt olur muhtâc aña
(Hayâlî Bey Divanı sf. 103)
GAZEL 2
Ol melek-sîmâ perî kim benzemez insân aña
Cân ile dilden fedâ olsun hezârân cân aña
Ey felek dervâzesin açma dem-i subhun sakın
Bir gece ger sarılam ben hasta-dil uryân aña
Gerdenine hâleyi tavk eyledi uşşâk-vâr
Boynu baglı bir kul olmuştur meh-i tâbân aña
Gülşen-i derdin nihâlidir bu cism-i nâ-tüvân
Meyvedir bagrım başı berg oldu her peykân aña
Gördü ekdim mezra’ı dilde mahabbet dânesin
Dûd u âhım ebr olup yagdırdı çok bârân aña
Dâg-ı gamdan rûyu hûn-âlûdedir cismim gibi
Âşık olmuştur meger kim lâle-i Nu’mân aña
Yâr hecriyle Hayâlî şöyle mûnis oldu kim
Rûz-ı vuslat gibi olmuştur şeb-i hicrân aña
(Hayâlî Bey Divanı sf. 99)
GAZEL 3
Zevk-i bâde neydigin mest-i harâbîler bilür
Lâcerem deryâ zebânın murg-ı âbîler bilür
Vuslatın cennâtının râhatleri âlemlerin
Dûzah-ı hırmanda nâr olmuş azâbîler bilür
Sâye-perverler gözü bir perteve kılmaz nazar
Neydigin nûr u tecellî âfitâbîler bilür
Yoluna hâk olmanın âdâbını uşşâka sor
Saltanat âyînini Efrâsiyâbîler bilür
Hâk-i râhınken Hayâlî havf eder agyârdan
Hâricîler kibr ü kînin Bû-Türâbîler bilür
(Hayâlî Bey Divanı sf. 171)
GAZEL 4
Bu kat kat kan ile dolmuş dili cânâna tapşurdum
Vefâ tomarını bir gonca-i handâna tapşurdum
Hadeng-i gamzesi peykânına gönlümde yer etdim
Züleyhâ-veş dirîgâ Yûsufum zindâna tapşurdum
Ter ettim çeşme-i hurşîdi ummâna keder verdim
Gubâr-ı râhını çün dîde-i giryâna tapşurdum
Bu gönlüm hüdhüdün Sîmurga ergürdüm bihamdillah
Elimde yazımı Sultân-ı âlî-şâna tapşurdum
Hayâlî nakşına bakıp güşâde olmaga dâ’im
Bu şi’r-i nâzenînim defter ü dîvâna tapşurdum
(Hayâlî Bey Divanı sf. 290)
GAZEL 5
Geçüp cândan seri hak-i der-i cânâna tapşurdum
Meyin içdim de câmın sâki-i hicrâna tapşurdum
Cemâlinden görüp gülde eser gülzârda ben hem
Enînimden birin yüz bülbül-i nâlâna tapşurdum
Nazardan saldım ey meh âlemin yâkût-ı rengînin
Hayâl-i la’lini çün dîde-i giryâna tapşurdum
Bulup gönlüm lebinde zülfünün kıldım giriftârı
Yine dârü’ş-şifâya bir güzel dîvâne tapşurdum
Hayâlî dermege hilm-i edeb gevherlerin bir bir
Yaşım etfâlinin alıp elin ummâna tapşurdum
GAZEL 6
Cihân-ârâ cihân içindedür arayıbilmezler
O mâhîler ki deryâ içredür deryâyı bilmezler
Harâbat ehline dûzah azâbın anma ey zâhid
Ki bunlar ibn-i vakt oldu gam-ı ferdâyı bilmezler
Şafak-gûn kan içinde dâgını seyr etse âşıklar
Güneşde zerre görmezler felekde ayı bilmezler
Hamîde kadlerine rişte-i eşki takub bunlar
Atarlar tîr-i maksûdu nedendür yayı bilmezler
Hayalî fakr şâlına çekenler cism-i uryânı
Anunla fahr ederler atlas ü dîbâyı bilmezler
GAZEL 7
Ol gün kanı ki gün gibi sûzȃn idüm sana
Olsan revȃne sȃye-i bî-cȃn idüm sana
Esrȃr-i kȃinȃta ezel cür’a-dȃn iken
Ben hȃnkȃh-i ʻışkda hayrȃn idüm sana
Ne gülde reng ü bû var idi ne sabȃda fer
Ben gülşenünde bülbül-i nȃlȃn idüm sana
Sen naz iderdün ehl-i niyȃza Medîne-vȃr
Ben Ka’be gibi çak-girîban idüm sana
Şahum Hayȃliysem ki cihȃn lȃ-mekan iken
Ben bir mekan-ı nȃsda mihmȃn idüm sana
Günümüz Türkçesiyle:
1. Hani o gün senin için güneş gibi yanardım, nereye yürüsen sana cansız bir gölge olurdum.
2. (Hani) ezel, kâinatın sırlarına esrar hokkası iken ben aşk tekkesinde sana hayran idüm.
3. (O gün) ne gülde renk ve koku ne de rüzgarda fer olmadığı halde ben senin gül bahçende feryat eden bülbüldüm.
4. (Hani o gün) sen niyat edenlere Medine gibi naz ederdin; ben senin için Ka’be gibi yakamı yırtardım.
5. Padişahım! (Öyle bir) Hayȃlî’yim ki, cihan henüz mekansızken ben hususi ve şekçin bir mekanda senin misafirindim.
Etiketler: Hayali anlamı, Hayâli Eserleri, Hayali Kimdir, Hayâlî beyitleri ve anlamları, Hayâlî bilmezler REDİFLİ GAZELİ ŞERHİ, Hayali Divanı, Ahmed Hayalî, Hayâlî Gazelleri, Gazel örnekleri, Gazel nedir, Gazel Özellikleri, Kısa gazel örnekleri, Müselsel gazel, Gazel Örnekleri Fuzûlî, Musammat gazel beyitleri, Uzrî Gazel, Kaside Nedir, Gazel nedir Edebiyat, Gazel konusu, Kaside Özellikleri, Müselsel gazel, Gazel örnekleri, Gazel Özellikleri, Yek avaz gazel nedir, Hayâlî Bey Gazelleri, Hayâlî Gazelleri ve açıklamaları, Hayâlî bilmezler REDİFLİ GAZELİ ŞERHİ, Hayali Bey divanı Tahlili pdf, Hayali Divanı, Hayâlî şiirleri ve açıklamaları, Hayali Bey Dîvânı Şerhi PDF, Hayali Bey PDF, şiir,
